Árið er 1918 og frá Reykjavík má sjá eldgosi í Kötlu mála himininn nótt sem dag. Drengurinn Máni Steinn lifir í kvikmyndunum. Sofandi dreymir hann myndirnar í tilbrigðum þar sem vefur atburðanna er slunginn þráðum úr hans eigin lífi. En þá tekur spænska veikin land og leggur þúsundir bæjarbúa á sóttarsæng. Það súgar milli heima í veröld þar sem líf og dauði, veruleiki og ímyndun, leyndarmál og afhjúpanir vegast á.